Page Nav

தலைப்புச் செய்திகள்

latest

நாளும் ஒரு நபி மொழி 19 || Assheikh M Ahmedh (Abbasi, Riyadhi) MA


19 عَنْ أَنَسٍ  عَنِ النَّبيِّ  قَالَ: ' لا يُؤْمِنُ أَحَدُكُمْ حَتَّى يُحِبَّ لأَخِيهِ مَا يُحِبُّ لِنَفْسِهِ'. صحيح البخاري رقم الحديث 13 وصحيح مسلم رقم الحديث 71- (45) واللفظ للبخاري.



(19) நபி (ஸல்) அவர்கள் கூறினார்கள் : 'உங்களில் ஒருவர் தமக்கு விரும்புவதையே தம் சகோதரனுக்கும் விரும்பும் வரை (முழுமையான) இறைநம்பிக்கையாளராக மாட்டார்'.

அறிவிப்பவர் : அனஸ் பின் மாலிக் (ரலி).

ஆதாரம் : புஹாரி : 13, முஸ்லிம் : 45 (இவ்வார்தை புஹாரியில் இருந்து)

(இந்நபிமொழியின் அறிவிப்பாளர் பற்றி 2ம் நபிமொழியில் கூறப்பட்டுள்ளது.)



ஹதீஸிலிருந்து பெறப்பட்ட பாடங்கள்:

(1) இந்நபிமொழியில் கூறப்பட்டுள்ள விருப்பம் என்பது சுயநினைவுடன் ஏற்படும் விருப்பமாகும். மாறாக இயற்கையானதோ அல்லது பலவந்தமாக ஏற்படுத்திக்கொண்ட விருப்பமோ அல்ல.

(2) ஒரு முஸ்லிம் இன்னொரு முஸ்லிமை விரும்புவதற்கான அடையாளங்களிலுள்ளது அவனுக்கு ஈருலகிலும் பயன்தரக்கூடியதை காட்டிக் கொடுப்பதும், அவனை நோவினை செய்யாமலிருப்பதுமாகும்.

(3) ஒரு முஸ்லிமை அவனது அறிவியல், சமூக நிலைக்கேற்ப மதிப்பதை இந்நபிமொழி தூண்டுகிறது.

(4) பிறர் தனக்கு செய்ய விரும்பாத ஒன்றை ஒரு முஸ்லிம் ஒருபோதும் அடுத்தவர்களுக்குச் செய்யக்கூடாது.

No comments