பிரதான செய்திகள்




பிற்பட்ட பண்டைய காலந்தொட்டே மனிதனுடைய வாழ்வு ஒரு குறிப்பிட்ட சட்டதிட்டங்களுக்குள் உட்பட்டே இருந்திருப்பதை நாம் அறிந்துள்ளோம். அவைகள் எல்லாம் தமது விரும்பு, வெறுப்புகளுக்கு உட்பட்டதாக, தமக்குள் ஏற்படுத்தி கொண்ட சட்டதிட்டங்களாகவே அமையப் பெற்றிருந்தன. அவர்கள் படைப்பின் நோக்கம், படைப்பாளன் யார்? அவர்களைப் பராமரிப்பவன் யார்? என்பனவற்றைப் பற்றி அவர்கள் முரண்பட்டுக் கொண்டார்கள். ஆனால் அவற்றிற்கெல்லாம் முற்றுமுழுதாக மாறுபட்ட அமைதியான கொள்கைகளை கொண்டதே இஸ்லாமிய மார்க்கத்தின் அகீதாவாகும். 



இஸ்லாமிய அகீதாவானது மனிதனின் உள்ளத்திற்கு பொருந்தக் கூடியது. அப்படியான அகீதா மனிதனின் அனைத்து வணக்க வழிபாடுகளிலும் உள்ளடக்கியிருப்பதை அவதானிக்கலாம். அல்லாஹ் கூறுகின்றான். 

اِلَّا مَنْ اَتَى اللّٰهَ بِقَلْبٍ سَلِيْمٍؕ‏ 

“எவரொருவர் பரிசுத்த இருதயத்தை அல்லாஹ்விடம் கொண்டு வருகிறாரோ அவர் (கண்ணியம் அடைவார்).” அல்குர் ஆன் 26:89. 



அதே போன்று இஸ்லாமிய அகீதாவானது அல்லாஹ்வை ஒருமைப்படுத்துவதை குறித்து நிற்கின்றது. அதே போல ஷிர்க்கில் இருந்து அல்லாஹ்விற்கு நிகராக்குபவைகளை விட்டும் முற்று முழுதாக நீங்கிச் செல்ல வழிகாட்டுகின்றது. அல்லாஹ் அல்குர்ஆனில் குறிப்பிட்டுக்காட்டுகின்றான். 



اِنَّ اللّٰهَ لَا يَغْفِرُ اَنْ يُّشْرَكَ بِهٖ وَيَغْفِرُ مَا دُوْنَ ذٰ لِكَ لِمَنْ يَّشَآءُ‌ ۚ وَمَنْ يُّشْرِكْ بِاللّٰهِ فَقَدِ افْتَـرٰۤى اِثْمًا عَظِيْمًا‏ 

நிச்சயமாக அல்லாஹ் தனக்கு இணைவைப்பதை மன்னிக்கமாட்டான்; இதைத்தவிர, (மற்ற) எதையும் தான் நாடியவர்களுக்கு மன்னிப்பான்; யார் அல்லாஹ்வுக்கு இணைவைக்கிறார்களோ அவர்கள் நிச்சயமாக மிகவும் பெரிய பாவத்தையே கற்பனை செய்கின்றார்கள். (அல்குர்ஆன் 4-48) 



ஆனால் தற்காலத்தில் சில வழிகெட்ட சிந்தனைகள் இஸ்லாமிய அகீதாவில் மாற்றங்கள் செய்து அதற்கு முரணாக நடப்பதை பார்க்கிறோம். ஒரு மனிதன் அகீதா சார்ந்த விடயங்களை மனதால் நம்பிக்கை கொள்ள வேண்டும். உள்ளங்களை சீராக ஆக்குவதில் இஸ்லாமிய அகீதா முக்கியத்துவம் வகிப்பதை பார்க்கின்றோம். அப்படியான மகத்துவம் மிக்க இஸ்லாமிய அகீதாவை விட்டும் தடம்புறளாது இருக்க உள்ளம் சீராக இருப்பது அவசியம். உள்ளம் சீராக வேண்டுமானால் இஸ்லாமிய அகீதாவை அல்லாஹ்வும் அவனது தூதரும் கூறியவற்றை ஸஹாபாக்கள் விளங்கி ஈமான் கொண்ட பிரகாரம் ஈமான் கொள்ள வேண்டும். 

அப்துல்லாஹ் பின் அம்ர் பின் அல்ஆஸ் (ரலி) அவர்கள் கூறியதாவது:
அல்லாஹ்வின் தூதர் (ஸல்) அவர்கள், "ஆதமின் மக்களின் (மனிதர்களின்) உள்ளங்கள் அனைத்தும் அளவற்ற அருளாளனின் இரு விரல்களுக்கிடையே ஒரேயோர் உள்ளத்தைப் போன்று உள்ளன. அதைத் தான் நாடிய முறையில் அவன் மாற்றுகிறான்" என்று கூறிவிட்டு, "இறைவா! உள்ளங்களைத் திருப்புகின்றவனே! எங்கள் உள்ளங்களை உனக்குக் கீழ்ப்படிவதற்குத் திருப்புவாயாக!" என்று பிரார்த்தித்தார்கள். (ஆதாரம் – முஸ்லிம் – 5161) 



மொழி ரீதியில் அகீதா என்பது – 

அகீதா என்ற சொல்லானது மொழி ரீதியில் முடிச்சு, ஒற்றுமை, பிணைப்பு போன்ற கருத்தில் உள்ளது. 



இஸ்லாமிய வழக்கில் – 

அதாவது குறிப்பிட்ட சில விடயங்களை ஒரு மனிதன் மனதால் திருப்திகரமாக ஏற்றபதோடு அவற்றை உறுதியாக நம்பிக்கை கொள்வதோடு அதில் எந்த தடுமாற்றமும், சந்தேகமும் கொள்ளாது நம்பிக்கை கொள்வதை குறிக்கின்றது. 



இஸ்லாமிய அகீதா – 

இஸ்லாமிய அகீதாவானது அல்லாஹ்வையும் அவனது மலக்குகள், வேதங்கள், தூதர்கள், மறுமை நாளோடு தொடர்பான விடயங்கள், கழாக் கத்ர் போன்றவைகளை ஒருவர் எந்த சந்தேகங்களும் இன்றி நம்பிக்கை கொள்வதை குறிக்கின்றது. 

அதே போல அல்லாஹ்வை ஈமான் கொள்வதில் உள்ளடங்குகின்ற உலூஹிய்யத், ருபூபிய்யத், அஸ்மாஉஸ் ஸிபாத் போன்றவைகளையும் நம்பிக்கை கொள்வது மிகப் பிரதானமான அம்சமாகும். அவைகளே மார்க்கத்தின் அடிப்படையும் மறைமுகமான அம்சங்களுமாகும். 



இஸ்லாமிய அகீதாவிலுள்ள அம்சங்கள் – 

முதலாவது – நம்பிக்கை சார்ந்தது – ஈமான் கொள்ள வேண்டிய ஆறு விடயங்களையும் எந்த சந்தேகமுமின்றி இஸ்லாம் எப்படி ஈமான் கொள்ள வேண்டும் என்று கூறியுள்ளதோ அதன் பிரகாரம் எந்த வகையான வழிகேடுகளோ, அசுத்தங்களோ, அல்லாமல் நம்பிக்கை கொள்வதை குறிக்கும். 



இரண்டாவது – செயற்பாடு சார்ந்தது – அதாவது நம்பிக்கை சார்ந்த ஆறு விடயங்களை அல்லாஹ்வின் திருப் பொருத்தத்தை நாடி, அவற்றை அமல் (செயலாற்றுவதை) செய்வதை குறிக்கும். அந்த அமல் ஆனாது வாஜிபாகவோ அல்லது சுன்னதாக்கவோ இருந்தாலும் சரியே. 



அதே போல் ஒரு மனிதன் செய்கின்ற அமலை வைத்தே அவனுடைய அகீதா மிகச் சரியானதா அல்லது தவறானதா என்பதை படம் பிடித்துக் காட்டுகின்றது. ஒருவர் செய்கின்ற அமல் இஸ்லாமிய நம்பிக்கை சார்ந்த விடயங்களோடு ஒத்துப் போகின்ற போதுதான் அல்லாஹ் அவ்வமலை ஏற்றுக் கொள்கின்றான். எனவேதான் எமது அமல்கள் சரியான அமைய வேண்டுமானால் எமது நம்பிக்கை சார்ந்த (அகீதா) விடயங்களை சரியாக நம்பிக்கை கொள்ள வேண்டும். அந்த ஈமான் கொள்ள வேண்டிய விடயங்கள் சீராக அமைந்தால் எமது வணக்கமும் சீராம அமைந்து அல்லாஹ்விடத்தில் ஏற்றுக் கொள்ளப்பட்டதாக அமையும். 



வளரும்… இன்ஷா அல்லாஹ்




மஹ்ரில் பெண்களுக்கான உரிமைகள் 

மஹ்ர் 

மஹ்ர் என்பது அரபு வாசகமாகும். இதற்கு தமிழில் மணக்கொடை எனக் கூறுவர். மஹ்ர் எனும் சொல் ஸதாக், தவ்ல், அஜ்ர், அதிய்யா, ஹிபா, அலாஇக், நிஹ்லா, பரீழா போன்ற பல ஒத்தக் கருத்துச் சொற்களில் அல்குர்ஆனிலும், ஹதீஸிலும் பயன்படுத்தப்பட்டுள்ளது. 

மஹ்ரும், அதன் இஸ்லாமிய சட்டமும், அது கடமையாக்கப்பட்டதன் நோக்கமும். 

பெண்களுக்கு பூரண உரிமைகளை வழங்குவதில் இஸ்லாம் சிறப்பான மார்க்கமாகத் திகழ்கிறது. அந்த வகையில் எந்த ஆணாயிருப்பினும் ஓர் பெண்ணைத் திருமணம் செய்ய நினைத்தால் அப்பெண்ணுக்கான மஹ்ரை கொடுத்து திருமணம் செய்துகொள்ளுமாறு இஸ்லாம் கட்டாயப்படுத்தியுள்ளது. மஹ்ரை பெண்களுக்கு வழங்க வேண்டிய கட்டாய உரிமையாகவே இஸ்லாம் கருதுகிறது. கொடுத்த மஹரை மனைவியின் விருப்பமின்றி வழுக்கட்டாயமாகவோ, தந்திரங்களைப் பயன்படுத்தியோ எடுப்பதும் கூடாது என்பதே இஸ்லாத்தின் நிலைப்பாடாகும். அல்லாஹ் கூறுகிறான், “பெண்களுக்கு அவர்களின் மணக் கொடைகளை கட்டாயமாகக் கொடுத்து விடுங்கள்! அவர்களாக மனமுவந்து அதில் எதையேனும் விட்டுத் தந்தால் மனநிறைவுடனும், மகிழ்வுடனும் அதை உண்ணுங்கள்!” (அல்குர்ஆன் 04:04). 

இஸ்லாம் அல்லாத ஏனைய மதங்களில் பெண்கள் திருமணம் செய்யும் போது ஆண்களுக்கு மஹ்ரைக் கொடுக்க வேண்டுமென வழுக்கட்டாயமான சட்டம் இருக்கிறது. இதற்காக குறித்த பெண்ணும், பெண்வீட்டார்களும் பணம் சேர்ப்பதில் பல அசௌகரியங்களை சந்திக்கின்றனர். பல நேரங்களில் பணம் சேர்க்கப்போய் பெண்கள் தமது மாணத்தையும் இழக்கின்றனர். முஸ்லிம்களில் சிலரும் அந்நிய மதக்கலாச்சாரமான இதை சீதணம் எனும் பெயரில் பெறுவது கவலைக்குரியது. தனது அக்கா, தங்கைகளுக்காக தான் கொடுத்தவற்றை திருமணம் செய்யும் போது பெண்வீட்டாரிடமிருந்து பெறவேண்டுமென்ற வழுக்கட்டாய வழக்கம் தலைத்தோங்கி, சுற்று முறையில் இது நடைபெறுவதால் பல ஆண்கள் இஸ்லாத்திற்கு விரோதமாக இருந்தாலும் இதை ஆதரிக்கின்றனர். 

மஹ்ர் என்பது கணவன் பயன்படுத்துவதற்கோ, அல்லது பெண்ணின் தாய், தந்தை பயன்படுத்துவதற்கோ கொடுக்கப்படும் கொடை கிடையாது. அது குறித்த பெண்ணுக்கான உரிமையாகும். அதை அவள் இஸ்லாம் அனுமதித்தவற்றில் விரும்பியவாறு பயன்படுத்தலாம். அதை அவளிடமிருந்து பெறவேண்டுமென்ற எண்ணம் கணவனுக்கும், பெண்ணின் பெற்றோருக்கும் இருக்கக்கூடாது. 

மஹ்ரின் இஸ்லாமிய சட்டம் 

அனைத்து இஸ்லாமிய அறிஞர்களும் திருமணத்தின் போது கணவன், தன் மனைவிக்கு மஹ்ர் கொடுப்பது கட்டாயக் கடமை எனக் கூறுகின்றனர். அதற்கு அல்குர்ஆனிலும், ஸுன்னாவிலிருந்தும் அதிக ஆதாரங்களை முன்வைக்கின்றனர். அவற்றில் சில வருமாறு: 

அல்குர்ஆனின் ஆதாரங்கள் 

01. அல்லாஹ் கூறுகிறான், “பெண்களுக்கு அவர்களின் மணக் கொடைகளை மனமுவந்து கொடுத்து விடுங்கள்!” (அல்குர்ஆன் 04:04). 

02. அல்லாஹ் கூறுகிறான், “இவர்களைத் தவிர மற்றவர்களை விபச்சாரமாக இல்லாமல் உங்கள் பொருட்களைக் கொடுத்து திருமணம் செய்வது உங்களுக்கு அனுமதிக்கப்பட்டுள்ளது. அவர்களில் (திருமணத்தின் மூலம்) யாரிடம் இன்பம் அனுபவிக்கிறீர்களோ அவர்களுக்குரிய மணக் கொடைகளை கட்டாயமாக அவர்களிடம் கொடுத்து விடுங்கள்.” (அல்குர்ஆன் 04:24). 

ஸுன்னாவின் ஆதாரங்கள் 

01. அப்துர் ரஹ்மான் இப்னு அவ்ஃப் ரழி அன்சாரிகளில் ஒரு பெண்ணை மணந்துகொண்டபோது அவர்களிடம் நபி (ஸல்) அவர்கள், 'அவளுக்கு எவ்வளவு மஹ்ர் (விவாகக் கொடை) கொடுத்தாய்?' என்று கேட்டார்கள். அப்துர் ரஹ்மான் இப்னு அவ்ஃப் ரழி, 'ஒரு பேரிச்சங் கொட்டை எடை அளவுத் தங்கத்தை'' என்று கூறினார்கள். (அறிவிப்பவர்: அனஸ் y, நூல்: புஹாரி 5167). 

02. (கைபர் போரில் கைது செய்யப்பட்ட) ஸஃபிய்யா பின்த் ஹுயைய் ரழி அவர்களை இறைத்தூதர் (ஸல்) அவர்கள் விடுதலை செய்து, தாமே அவர்களை மணமுடித்தும் கொண்டார்கள்; (ஸஃபிய்யா  அவர்களின் விடுதலையையே அவர்களுக்குரிய மஹ்ராகவும் (விவாகக் கொடையாகவும்) ஆக்கினார்கள். அ(வர்களை மணந்த)தற்காக (விதை நீக்கப்பட்ட பேரிச்சம் பழம், பாலாடைக் கட்டி, நெய் ஆகியவற்றைக் கலந்து தயாரிக்கப்படும்) 'ஹைஸ்' எனும் பண்டத்தை வலீமா (மணவிருந்தாக) அளித்தார்கள். (அறிவிப்பவர்: அனஸ் y, நூல்: புஹாரி 5169). 

03. ஒரு பெண்மணி இறைத்தூதர் (ஸல்) அவர்களிடம் வந்து, 'இறைத்தூதர் அவர்களே! என்னைத் தங்களுக்கு அன்பளிப்பாக வழங்கிட (-மஹ்ரின்றி என்னைத் தாங்கள் மணந்துகொள்ள-) வந்துள்ளேன்'' என்று கூறினார். இறைத்தூதர் (ஸல்) அவர்கள் அந்தப் பெண்ணை நோக்கிப் பார்வையை உயர்த்தி நேராகப் பார்த்துவிட்டு அதைத் தாழ்த்திக் கொண்டார்கள். பிறகு தம் தலையைத் தொங்கவிட்டார்கள். தம் விஷயத்தில் இறைத்தூதர் (ஸல்) அவர்கள் எந்த முடிவுக்கும் வரவில்லை என்பதைக் கண்ட அப்பெண்மணி, (அந்த இடத்திலேயே) அமர்ந்துகொண்டார். அப்போது நபித்தோழர்களில் ஒருவர் எழுந்து, 'இறைத்தூதர் அவர்களே! தங்களுக்கு இவர் தேவையில்லையென்றால் எனக்கு இவரை மணமுடித்துவையுங்கள்!'' என்று கூறினார். நபி ஸல் அவர்கள் (அவரிடம்), '(மஹ்ராகச் செலுத்த) உம்மிடம் பொருள் ஏதேனும் இருக்கிறதா?' என்று கேட்டார்கள். அவர், 'அல்லாஹ்வின் மீதாணையாக! (என்னிடம் ஏதும்) இல்லை, இறைத்தூதர் அவர்களே!'' என்று பதில் கூறினார். திரும்பத்திரும்ப அவரை அனுப்பி ஏதும் கிடைக்கிறதா எனப் பார்க்கச் சொல்ல அவரும் இல்லை என்றே கூறினார். இறுதியாக நபி (ஸல்) அவர்கள், 'உம்முடன் குர்ஆனில் என்ன ( மனப்பாடமாக) உள்ளது?' என்று கேட்டார்கள். அதற்கு அவர், '(குர்ஆனில்) இன்ன , இன்ன (அத்தியாயங்கள்) என்னுடன் உள்ளன'' என்று அவற்றை அவர் எண்ணி எண்ணிக் கூறினார். நபி (ஸல்) அவர்கள், 'அவற்றை நீர் மனப்பாடமாக ஓதுவீரா?' என்று கேட்டார்கள். 'ஆம் (ஓதுவேன்)'' என்று அவர் பதிலளித்தார். 

நபி (ஸல்) அவர்கள், 'உம்முடனுள்ள குர்ஆன் அத்தியாயங்களுக்காக அவளை உமக்கு மணமுடித்துக் கொடுத்துவிட்டேன். நீர் செல்லலாம்!'' என்று கூறினார்கள். -ஹதீஸின் சுருக்கம்- (அறிவிப்பவர்: ஸஹ்ல் இப்னு ஸஅத் ரழி, நூல்: புஹாரி 5126).



தலைப்பு: ஹிஜ்ரி ஆண்டுக்கான சில உபதேசங்கள். 

உரை நிகழத்தியவர்: அஷ்ஷேக் அப்துர் ரஹ்மான் இப்னு அப்துல் அஸீஸ் அஸ்ஸுதைஸ். 

திகதி: 1442/01/16 – 2020/09/04 

முதல் பிரசங்கம்

புகழ் அனைத்தும் அல்லாஹ்வுக்கே உரியது. இறைவா! உன்னை நாம் புகழ்கிறோம், உன்னிடமே உதவி தேடுகிறோம், உன்னிடமே பாவமன்னிப்பு கேட்கிறோம். அனைத்து நலவுகளையும் கொண்டு உன்னை பெருமைப்படுத்துகிறோம். உண்மையாக வணங்கப்படுவதற்கு தகுதியான இறைவன் அல்லாஹ்வைத் தவிர வேறு யாருமில்லை எனவும், அவனுக்கு இணையாக எவருமில்லை எனவும் நான் சாட்சி கூறுகிறேன். அவன் அடியார்களைப் படைத்து, அவர்களுக்கு சரியான செயற்பாடுகளையும், கொள்கைகளையும் தெளிவுபடுத்தினான். முஹம்மத் (ஸல்) அவர்கள் அவனின் அடியாரும் இறுதித் தூதருமாவார்கள் என நான் சாட்சி கூறுகிறேன். அவர் அல்லாஹ்வின் அடியார்களில் மிகவும் சிறந்தவர். உண்மையையும், நேர்வழியையும் தெளிவுபடுத்தியவர். அவர் மீதும், அவரின் குடும்பத்தார்கள், தோழர்கள், இறுதி நாள் வரை அவரை சரியாகப் பின்பற்றும் அனைவர் மீதும் அல்லாஹ்வின் அருளும், ஈடேற்றமும் உண்டாவதாக!

அல்லாஹ்வின் அடியார்களே! உங்கள் இறைவனைப் பயந்து, அவனையே வணங்குங்கள். அவனுக்கு வழிபட்டு, அவனை மாத்திரமே ஒருமைப்படுத்துங்கள். அவனைத் தவிர வேறு கடவுள்கள் உங்களுக்குக் கிடையாது. உண்மையாக வணங்கப்படுவதற்குத் தகுதியானவன் அவனைத் தவிர வேறு யாரும் கிடையாது. ஜின்களையும், மனிதர்களையும் என்னை வணங்குவதற்காகவே தவிர (வேறு எதற்காகவும்) நான் படைக்கவில்லை.” (அல்குர்ஆன் 51:56).

கட்டளைப்படி வணங்குவது இறைவனுக்கானது

ஆசைப்படி வணங்குவது ஷைத்தானுக்கானது

இணைவைக்க மறுப்பது இரண்டாவது கட்டளை

வெற்றியை வழங்குகிறது இவ் இரு கட்டளை.

முஸ்லிம்களே! ஹிஜ்ரி ஆண்டு நம்மை வந்தடைந்துள்ளது. இவ் ஹிஜ்ரி ஆண்டை தவறுகள், தீமைகளை விட்டும் பாவமன்னிப்புக் கேட்ட வண்ணம் துவக்கி வையுங்கள். நல்ல செயல்களை செய்வதில் தொடர்ச்சியைக் கையாழுங்கள். வணக்க வழிபாடுகளை அதிகமாக செய்யுங்கள். நபி (ஸல்) அவர்கள் கூறினார்கள், ரமழானுக்குப் பின் (நோற்கப்படும்) சிறந்த நோன்பு அல்லாஹ்வின் மாதமான முஹர்ரம் மாதத்திலாகும்” (அறிவிப்பவர்: அபூஹுரைரா (ரழி), நூல்: முஸ்லிம் 1163). வருடங்கள் கடந்து செல்வதில் படிப்பினைகளையும், நல்லுணர்வுகளையும் பெற்றுக்கொள்ளுங்கள்.

மானிடரை சந்திக்கும் புதியதோர் ஆண்டு இது

யாவருக்கும் ஒரு திருநாள் இவ்வையகத்தில் உண்டு

மனித இலட்சியங்கள் புதிய ஆண்டை ஆரவம் செய்ய

தொலை தூரத்தில் அதை எண்ணி, எம் மனங்களும் ஏங்குது.

இறைவா! இம் மாதத்தை பாதுகாப்பு, இறைவிசுவாசம், சாந்தி, சமாதானம் போன்ற அனைத்தும் நிறைந்த மாதமாக எமக்கு ஆக்குவாயாக! இதில் நீ விரும்பக் கூடிய செயல்களை செய்பவர்களாக எம்மை மாற்றுவாயாக!

ஓரிறைக் கொள்கையின் சமுதாயமே! புது வருடம் பிறந்திருக்கும் இத்தருணத்தில் குறிப்பாக சிந்தனைச் சிதைவுகள், கொள்கை நெறிபிறழ்வுகள் அதிகம் இடம் பெறும் இக்காலத்தில், அல்லாஹ்வை ஒருமைப்படுத்தும் விடயத்தை உள்ளங்களுக்கு உபதேசமாக வழங்குவதே பொறுத்தமான ஒன்றாக இருக்கிறது. எதிர்காலத்தை செப்பனிட்டு, தூர நோக்கோடு செயற்படவும், தூய இஸ்லாமிய கொள்கையின் ஒளியில், அதன் ஆழம் வரை சென்று, சந்தேகங்களுக்கான தெளிவுகளைக் காணவும் நாம் உறுதியுடன் செயற்பட வேண்டும். அல்லாஹ் அல்லாத வேறு கடவுள்களை வணங்குவதில் அடிமைப்பட்டுக் கிடந்த உள்ளங்களுக்கு விடுதலையளிக்கவும், அவ் உள்ளங்களை கண்ணியம் பொருந்தியதாக மாற்றுவதற்கும், நாத்திகம், சிலை வழிபாடு, பலகடவுள் கொள்கை போன்றவற்றிலிருந்து அவற்றைப் பாதுகாக்கவும், மூடநம்பிக்கைகள், கட்டுக் கதைகள் போன்றவற்றுக்கு எதிராக அவை இருப்பதற்கும், இஸ்லாம் தூய ஓரிறைக் கொள்கையை உலகுக்கு கொண்டு வந்தது. கவனத்தில் கொள்க! தூய இம்மார்க்கம் அல்லாஹ்வுக்கே உரியது.” (அல்குர்ஆன் 39:03).

எவ்வளவு தான் மாற்றங்கள் ஏற்பட்டாலும் தூய ஓரிறைக் கொள்கை யாருக்கும் விலை போகாது. சவால்களும், இஸ்லாத்திற்கு எதிரான மாநாடுகளும் எவ்வளவுதான் விரிந்து சென்றாலும், அடிப்படைக் கொள்கையிலிருந்து அது இறங்கிவருவது கிடையாது. இதனால் தான் எமது முன் சென்ற அறிஞர்களுக்கு அவர்களது உள்ளத்தில் இறை விசுவாசத்தை சரியாகப் பாதுகாக்க முடிந்தது. முஸ்லிம் சமூகம் அவர்களை கண்ணியப்படுத்தி, தலையில் வைத்துக் கொண்டாடியது. நம்பிக்கை கொண்டோருக்கு உதவுவது நம் மீது கடமையாக ஆகி விட்டது” (அல்குர்ஆன் 30:47).

ஈமானிய சகோதரர்களே! அல்லாஹ் தன் அடியார்களை தனக்கு இணைவைக்காத வகையிலே படைத்தான். ஷைத்தான் அவர்களது மார்க்கத்தை விட்டும் அவர்களை திசை திருப்பி, நெறிபிறழ்வு, வழிகேடு போன்றவற்றை அவர்களுக்கு அழகாக்கிக் காண்பித்தான். ஹதீஸுல் குத்ஸியில் அல்லாஹ் பின்வருமாறு கூறுகிறான், நான் என் அடியார்கள் அனைவரையும் (இயற்கையிலேயே) உண்மை வழி நின்றவர்களாகவே படைத்தேன். (ஆயினும்) அவர்களிடம் ஷைத்தான் வந்து அவர்களது இயற்கை நெறியிலிருந்து அவர்களைப் பிறழச்செய்துவிட்டான். நான் அவர்களுக்கு அனுமதித்துள்ளவற்றைத் தடைசெய்யப் பட்டவையாக ஆக்கிவிட்டான்; நான் எனக்கு இணை கற்பிப்பதற்கு எந்தச் சான்றையும் இறக்காத நிலையில் எனக்கு இணை கற்பிக்குமாறு அவர்களுக்குக் கட்டளையிட்டுவிட்டான்.” (அறிவிப்பவர்: இயாழ் இப்னு ஹிமார் (ரழி), நூல்: முஸ்லிம் 2865).

எனவே உண்மையான மார்க்கத்தை விட்டும், சரியான ஓரிறைக் கொள்கையை விட்டும் ஒரு அடியான் தேவையற்று, விலகியிருக்க முடியாது. அல்லாஹ்வின் இறைமைக் கோட்பாட்டிலும், பரிபாலணக் கோட்பாட்டிலும், பெயர்கள் மற்றும் பண்புகள் பற்றிய கோட்பாட்டிலும் அவனை ஒருமைப்படுத்த வேண்டும். அவ்வாறே அவனுக்கு மாத்திரமே தனது வணக்க வழிபாடுகளை அமைத்துக் கொண்டு, அவனது மார்க்கத்தின் அடிப்படையில் மாத்திரமே அனைத்துக்கும் தீர்வு காண வேண்டும். இவை நபி (ஸல்) அவர்களின் சொல், செயல் சார்ந்த வழிகாட்டலில் காட்சிப்படுத்தப்பட்டுள்ளது. நபி (ஸல்) அவர்களின் வாழ்வு உயிரோட்டமுள்ள படமாகவும், பணிவு, அச்சம், அல்லாஹ்விடம் மாத்திரம் தேவை கண்டு, அவனிடம் மாத்திரம் சரணடையக் கூடிய பண்பு போன்றவற்றைக் குறித்து பேசக் கூடிய வகையிலும் இருக்கிறது.

ஓரிறைக் கொள்கையை ஓர் படத்தில் வரைந்தாய் முழுவதுமாய்

வீண் சந்தேகங்களை அது தூசு தட்டியது பார்

எம் எதிர்பார்ப்பும், வேண்டுதலும், நம்பிக்கையும் என

எம் கட்டுப்படுதலும் அந்த ஓரிறைவனுக்கே என்பாய்

எனது தொழுகை, எனது வணக்கமுறை, எனது வாழ்வு, எனது மரணம் யாவும் அகிலத்தின் இறைவனாகிய அல்லாஹ்வுக்கே உரியன; அவனுக்கு நிகரானவன் இல்லை” (அல்குர்ஆன் 06:162,163).

கொள்கையுள்ள சமுதாயமே! ஏகத்துவத்தை பாதுகாக்கவும், ஓரிறைக் கொள்கையில் சரியாக இருப்பதற்கும், உறுதியான நம்பிக்கை வைப்பதற்கும், அல்லாஹ்விடம் மாத்திரம் அனைத்தையும் பொறுப்புச் சாட்டுவதற்கும் இஸ்லாம் தன்னைப் பின்பற்றுவோரை வளர்த்தெடுக்கிறது. புத்தியைப் பாதித்து, உண்மைக்குப் புரம்பாக சிந்தனையை மாசுபடுத்துகின்ற மாயைகள், வீண் சந்தேகங்கள், கற்பனைகள் போன்றவற்றிலிருந்து அவர்களைத் தூரமாக்குகிறது. மரணித்தவர்கள், நல்லடியார்கள் போன்றோரிடம் உதவி தேடுதல், கப்றுகளை முத்தமிட்டு, அதன் கட்டிடங்களை தடவி, பரக்கத் வேண்டுதல் போன்ற, ஏகத்துவத்தையும், இஸ்லாமிய ஓரிறைக் கொள்கையையும் பாதிக்கின்றவற்றை செய்வதை விட்டும் அவர்களைத் தடுக்கிறது. சில பக்தர்கள் கப்றுகளுக்கு அருகாமையில் வந்து, கப்றில் இருப்போரிடம் தமது அந்தஸ்த்தை உயர்த்துமாறும், தமது துன்பங்களை நீக்குமாறும், தமது தேவைகளை நிறைவேற்றி வைக்குமாறும், நோய் நொடிகளைக் குணமாக்குமாறும் பிரார்த்தனை புரிகின்றனர். அல்லாஹ் தன் அடியார்களின் தேவைகளை நிறைவேற்றும் வாயிலை அடைத்துவிட்டான் எனும் அளவுக்கு, கப்றுகளில் தாம் கேட்ட கோரிக்கைகள் நிறைவேறும் எனவும், இனி பாதுகாப்பாக இருக்க முடியும் எனவும் அவர்கள் நினைத்துக் கொள்கின்றனர். அவர்கள் கூறுவதை விட்டும், செய்பவற்றை விட்டும் அல்லாஹ் மிகவும் உயர்ந்தவன்.

உதவி தேடுதல் என்பது அல்லாஹ்விடம் மாத்திரமே இருக்க வேண்டும். அது அல்லாஹ்வுக்கு உரிய ஒன்றாகும். அல்லாஹ் கூறுகிறான், அல்லாஹ்வுக்கு அழகிய பெயர்கள் உள்ளன. அவற்றின் மூலமே அவனிடம் பிரார்த்தியுங்கள்! அவனது பெயர்களில் திரித்துக் கூறுவோரை விட்டு விடுங்கள்! அவர்கள் செய்து வந்ததற்காக அவர்கள் தண்டிக்கப்படுவார்கள்.” (அல்குர்ஆன் 07:180). அல்லது நல்ல செயல்கள் மூலமும், அல்லாஹ்வின் மீதும், அவனது தூதர் மீதும் அன்பு வைப்பதன் மூலமும் அல்லாஹ்விடம் உதவி தேட முடியும். அல்லாஹ் கூறுகிறான், “"எங்கள் இறைவா! நம்பிக்கை கொண்டோம். எனவே எங்கள் பாவங்களை மன்னிப்பாயாக! நரக வேதனையிலிருந்து எங்களைக் காப்பாயாக!'' என்று அவர்கள் கூறுவார்கள்” (அல்குர்ஆன் 03:16).

பூரண அறிவு, முழுமையான ஆற்றல், எப்போதும், எதிலும் தேவையற்ற தன்மை போன்ற அனைத்தும் அல்லாஹ்விடம் இருப்பதால் உதவி தேடுவதற்கும், ஆதரவு வைப்பதற்கும், அடைகளம் தேடுவதற்கும் அவன் ஒருவனே தகுதியானவன். இதுவிடயத்தில் அவனைத் தவிர அவனது மலக்குமார்களோ, அவனால் அனுப்பப்பட்ட இறைத் தூதர்களோ, நல்லடியார்களோ எவரும் தகுதியற்றவர்கள். தொழுகை அல்லாஹ்வுக்கு மாத்திரமுரியது, பிரார்த்தனை அல்லாஹ்வுக்கு மாத்திரமுரியது, அறுத்துப் பலியிடுவது அல்லாஹ்வுக்கு மாத்திரமுரியது, நேர்ச்சையும் அல்லாஹ்வுக்கு மாத்திரமுரியது. உதவி தேடுவதும், பாதுகாப்பு தேடுவதும், சத்தியம் செய்வதும் அல்லாஹ்வைக் கொண்டு மாத்திரமே. அனைத்து காரியங்களையும் பொறுப்புச் சாட்டுவதும் அல்லாஹ்விடம் மாத்திரமே. பயமும், எதிர்பார்ப்பும் அவனுக்கு மாத்திரமே. தேவைகளை நிறைவேற்றுவதற்கும், மறைவானவரின் அழைப்புக்கு பதில் அளிப்பதற்கும், நோயாளிகளைக் குணப்படுத்துவதற்கும் அல்லாஹ்வைத் தவிர வேறு எவராலும் முடியாது.

அல்லாஹ்வைத் தவிர மற்றும் சிலரால் நன்மைகளை உண்டு பண்ணவும், தீங்குகளைத் தடுக்கவும், நோய்களைக் குணப்படுத்தவும், தேவைகளை நிவர்த்தி செய்யவும் முடியும் என ஒருவர் நம்பினால் அவர் அல்லாஹ்வின் மீது அபாண்டமான பொய்யைக் கூறி, வழிகெட்டுப் போய்விடுவார். அல்லாஹ்வுக்கு இணைகற்பிப்பவர் (உண்மையை விட்டும்) தூரமான வழிகேட்டில் விழுந்து விட்டார்.” (அல்குர்ஆன் 04:116).

அவ்வாறே ஒருவர் அவருக்கும் அல்லாஹ்வுக்கு இடையில் இடைத்தரகரை ஏற்படுத்திக் கொண்டு, அவர்களிடம் பிரார்த்தித்து, உதவி தேடி, தேவைகளைக் கேட்டு, அவற்றை அல்லாஹ்விடம் பரிந்துரைக்குமாறு கூறினால், அவரும் அல்லாஹ்வுக்கு இணைவைத்துவிட்டார். அல்லாஹ் கூறுகிறான், அல்லாஹ்வையன்றி அவர்களுக்குத் தீமையும், நன்மையும் செய்யாதவற்றை வணங்குகின்றனர். "அவர்கள் அல்லாஹ்விடம் எங்களுக்குப் பரிந்துரை செய்பவர்கள்'' என்றும் கூறுகின்றனர். "வானங்களிலும் பூமியிலும் அல்லாஹ்வுக்குத் தெரியாததை அவனுக்குச் சொல்லிக் கொடுக்கிறீர்களா? அவன் தூயவன். அவர்கள் இணைகற்பிப்பதை விட்டும் உயர்ந்தவன்'' என்று கூறுவீராக!” (அல்குர்ஆன் 10:18). அவர்களின் தெய்வங்களில் அவர்களுக்காகப் பரிந்து பேசுவோர் இருக்க மாட்டார்கள். அவர்கள் தம் தெய்வங்களையும் மறுப்பார்கள்.” (அல்குர்ஆன் 30:13).

இவ்வாறு பரிந்துரை பேசுவோர் நன்மை, தீமை, மரணம், வாழ்வு, மீள எழல் என எதிலும் சுய சக்தியோ, அவற்றைக் கட்டுப்பாட்டில் வைத்திருக்கும் ஆற்றலோ அற்றவர்கள். அல்லாஹ் கூறுகிறான்,  “"அல்லாஹ்வையன்றி பரிந்துரை செய்வோரை அவர்கள் கற்பனை செய்து கொண்டார்களா? அவர்கள் எந்தப் பொருளுக்கும் உரிமையற்றவர்களாகவும், விளங்காதவர்களாகவும் இருந்தாலுமா?'' என்று கேட்பீராக! "பரிந்துரைகள் அனைத்தும் அல்லாஹ்வுக்கே'' என்று கூறுவீராக! வானங்கள் மற்றும் பூமியின் அதிகாரம் அவனுக்கே உரியது! பின்னர் அவனிடமே நீங்கள் திரும்பக் கொண்டு வரப்படுவீர்கள்!” (அல்குர்ஆன் 39:43,44).

உலக மக்களில் சிறந்தவரும், அல்லாஹ்விடத்தில் அதி சிறப்புக்குரியவரும், நபிமார்களில் இறுதியானவருமான முஹம்மத் (ஸல்) அவர்களைப் பார்த்து அல்லாஹ் பின்வருமாறு கட்டளையிடுகிறான், “"அல்லாஹ் நாடியதைத் தவிர எனக்கே தீங்கு செய்யவோ, நன்மை செய்யவோ நான் அதிகாரம் பெறமாட்டேன்'' என்று (முஹம்மதே!) கூறுவீராக!” (அல்குர்ஆன் 10:49), “"நான் உங்களுக்குத் தீங்கு செய்யவும், நன்மை செய்யவும் அதிகாரம் பெறமாட்டேன்" என்றும் கூறுவீராக! "அல்லாஹ்விடமிருந்து என்னை எவரும் காப்பாற்ற மாட்டார். அவனன்றி ஒதுங்குமிடத்தையும் காணமாட்டேன்'' என்றும் கூறுவீராக!” (அல்குர்ஆன் 72:21,22), அல்லாஹ் உமக்கு ஒரு தீங்கை அளித்தால் அவனைத் தவிர அதை நீக்குபவன் யாருமில்லை. உமக்கு அவன் ஒரு நன்மையை நாடினால் அவனது அருளைத் தடுப்பவன் யாரும் கிடையாது.” (அல்குர்ஆன் 10:107). படைப்புகளிலே கண்ணியமிக்க, அல்லாஹ்வுக்கு மிகவும் விருப்பத்திற்குரிய அடியானுக்கே இந்நிலை எனில், அவரை விட கீழ் நிலையில் இருக்கும் மற்றவர்கள் மட்டும் எம்மாத்திரம். எனவே நன்மை, தீமை போன்றவற்றுக்கான அதிபதி அல்லாஹ்வைத் தவிர வேறு யாரும் கிடையாது. அல்லாஹ்வே உண்மையானவன். அவனையன்றி அவர்கள் பிரார்த்திப்பவை பொய்யானவை.” (அல்குர்ஆன் 22:62).

இஸ்லாமிய சகோதரர்களே! இஸ்லாமிய ஓரிறைக் கொள்கையில் நாம் தெளிவுபெற வேண்டிய, அநேகமானோர் சரியான முறையில் விளங்கிக்கொள்ளாமல் போயுள்ள மற்றொரு பகுதி, முஸ்லிமல்லாதவர்களுடன் நல்ல விடயங்களில் சேர்ந்து நடத்தலும், பாவகாரியங்களில் அவர்களை விட்டும் பிரிந்து நடத்தலும் (அல்வலாஉ வல்பராஉ) எனும் பகுதியாகும். இதனாலே உள நம்பிக்கைக்கும், தனிப்பட்ட, சர்வதேச தொடர்புகளைப் பேணுவதற்கும் மத்தியில் குழப்ப நிலை காணப்படுகிறது. இக் குழப்ப நிலைக்கான தீர்வு, மக்களைக் கண்காணிக்கும் விடயத்திலும், இஸ்லாமிய அரசியலிலும், மனித நலத்தைப் பேணுவதிலும் குறிப்பிடப்பட்டுள்ளது. அல்லாஹ் கூறுகிறான், மனிதர்களே! உங்களை ஓர் ஆண் ஒரு பெண்ணிலிருந்தே நாம் படைத்தோம். நீங்கள் ஒருவரையொருவர் அறிந்து கொள்வதற்காக உங்களைக் கிளைகளாகவும், கோத்திரங்களாகவும் ஆக்கினோம்.” (அல்குர்ஆன் 49:13).

முஸ்லிம் அல்லாதோரின் உள்ளம் ஈர்க்கப்பட்டு, இஸ்லாத்தில் அவர்கள் நுழையும் அளவுக்கு அவர்களுடன் நல்ல முறையில் நடந்து கொள்வது, சேர்ந்து நடத்தல் (அல்வலாஉ) எனும் பகுதியோடு என்றும் முரண்படுவதில்லை. முஸ்லிம் அல்லாதவர் இஸ்லாத்துக்கு சார்பாக இருக்கும் அளவுக்கு ஓர் முஸ்லிம் அவருடன் நல்ல முறையில் நடந்து கொள்ள வேண்டும். அல்லாஹ் கூறுகிறான், மார்க்க விஷயத்தில் உங்களுடன் போரிடாதோருக்கும், உங்கள் வீடுகளிலிருந்து உங்களை வெளியேற்றாதோருக்கும் நன்மை செய்வதையும், அவர்களுக்கு நீதி செலுத்துவதையும் அல்லாஹ் உங்களுக்குத் தடை செய்யவில்லை. நீதி செலுத்துவோரை அல்லாஹ் விரும்புகிறான்.” (அல்குர்ஆன் 60:08). உங்கள் மார்க்கம் உங்களுக்கு. என் மார்க்கம் எனக்கு'' எனக் கூறுவீராக” (அல்குர்ஆன் 109:06). இம்மார்க்கத்தில் எந்த வற்புறுத்தலும் இல்லை” (அல்குர்ஆன் 02:256). மக்களிடம் அழகானதையே பேச வேண்டும்” (அல்குர்ஆன் 02:83).

மக்களிடம் அழகானதைப் பேசுங்கள் என்பது அனைத்து மக்களுடனும் அழகானதைப் பேச வேண்டுமென்பதைக் குறிக்கிறது. அஸ்மா பின்த் அபூ பக்ர் (ரழி) கூறினார்கள், என்னிடம், என் தாயார் அல்லாஹ்வின் தூதருடைய காலத்தில் வந்திருந்தார்கள். அப்போது அவர்கள் இணைவைப்பவராக இருந்தார்கள். நான் அல்லாஹ்வின் தூதரிடம், 'என் தாயார் என்னிடம் ஆசையுடன் வந்துள்ளார். என் தாயிடம் அவரின் உறவைப் பேணி நல்லமுறையில் நடந்து கொள்ளட்டுமா?' என்று கூறி மார்க்கத் தீர்ப்பு கேட்டேன். நபி (ஸல்) அவர்கள், 'ஆம். நீ உன் தாயின் உறவைப் பேணி அவருடன் நல்ல முறையில் நடந்து கொள்' என்று கூறினார்கள். (அறிவிப்பவர்: அஸ்மா பின்த் அபூபக்ர் (ரழி), நூல்: புஹாரி 2620, முஸ்லிம் 1003). இவரின் உள்ளத்தில் தன் தாய் இணைவைப்பாளராக உள்ளாரே எனும் கோபம் இருந்தும், தாய் எனும் உறவைப் பேணி, அவருடன் மனம் குளிரும் வகையில் நல்ல முறையில் நடந்துகொண்டுள்ளார். அல்லாஹ் கூறுகிறான், இவ்வுலகில் அவர்களிடம் அழகிய முறையில் தோழமை கொள்ளுங்கள்!” (அல்குர்ஆன் 31:15).

நபி (ஸல்) அவர்கள் இணைவைக்கும் பெண்ணின் தோல்பையில் இருந்த தண்ணீரால் வுழூ செய்துள்ளார்கள். (அறிவிப்பவர்: இம்ரான் இப்னுல் ஹுஸைன் (ரழி), நூல்: புஹாரி 344). அவரின் கேடயம் ஓர் யூதனிடம் அடகு வைக்கப்பட்டிருந்த நிலையில் மரணித்தார்கள். (அறிவிப்பவர்: ஆஇஷா (ரழி), நூல்: புஹாரி 4467). (கைபரை வெற்றிகொண்ட பிறகு) கைபர் பகுதியில் வசித்து வந்த யூதர்களின் விளைச்சலில் கிடைக்கும் பயிர்களிலும், பழங்களிலும் அவர்களுடன் உடண்படிக்கை செய்துகொண்டார்கள். (அறிவிப்பவர்: அப்துல்லாஹ் இப்னு உமர் (ரழி), நூல்: புஹாரி 2730). இஸ்லாத்தை ஏற்கும் அளவுக்கு தனது அண்டைவீட்டு யூதருடன் நல்ல முறையில் நடந்துகொண்டார்கள். (அறிவிப்பவர்: அனஸ் இப்னு மாலிக் (ரழி), நூல்: புஹாரி 1356, அஹ்மத் 13565).

இது போன்று பல நிகழ்வுகள் உள்ளன. அவை அனைத்தும் (முஸ்லிம் அல்லாதவர்களுடன் நல்ல விடயங்களில் மாத்திரம் சேர்ந்து நடப்பதற்கான) தெளிவான ஆதாரங்கள் இருக்கின்றன என்பதை உறுதிப்படுத்துகிறன. அறிவு, புத்தி, தெளிவான சிந்தனை, நிதானம் போன்ற அனைத்திலும், தாண்டவமாடுகிற உணர்ச்சிகளையும், பொங்கியெழுகிற ஆவேசங்களையும் தகர்த்தெறியும் இவ் ஒளிமயமான நபியவர்களின் வழிமுறை எங்கே? மனித உரையாடல்களில் இவை மறக்கடிக்கப்படும் போது நாகரீக மோதல்களும், பகைமையும், குரோதமும், வெறுப்புணர்வுகளும் மாத்திரமே எப்போதும் ஏற்பட்டுக்கொண்டிருக்கும்.

இஸ்லாமிய சமுதாயமே! இஸ்லாமிய ஓரிறைக் கொள்கையில் நாம் கவனம் செலுத்த வேண்டிய மிக முக்கிய இன்னொரு விடயம் கூட்டாக இருப்பதாகும். கூட்டாக இருந்து, தலைவருக்குக் கட்டுப்பட்டு நடக்க வேண்டும். அனைத்திலும் பகுத்தறிவை முற்படுத்தி, தலைவர்களை இறைநிராகரிப்பாளர்கள் என மார்க்கத்தீர்ப்பு வழங்கி, அவர்களுக்கு எதிராக கிளர்ந்தெழுத்து, பலரைக் கொன்றுகுவித்த, ஹவாரிஜ் குழுவினர், விபச்சார வர்க்கத்தினர், வழிகெட்ட பிரிவினர், ஆயுதத்தால் குரோதங்களை உண்டுபன்னுபவோர், பிரிவினைவாதிகள் போன்றோருக்கு எப்போதும் மாறு செய்ய வேண்டும். இன்று அவர்கள் சமூக வலைத்தளங்களுக்குப் பின்னால் மறைந்திருந்து, அதிகமாக பொய்ப்பிரச்சாரங்களில் ஈடுபட்டு, மக்களை திசை திருப்பிக் கொண்டிருக்கின்றனர். நடுநிலைவாதிகளே! இவர்கள் விடயத்தில் எச்சரிக்கையாகவும், புத்திசாலித்தனமாகவும் இருங்கள். அவர்கள் செல்லும் மோசனமான வழிகளில் நீங்களும் பயணிப்பதிலிருந்து எச்சரிக்கையாக இருங்கள். இவ்வாறான அத்துமீறல்கள் பல நாடுகளிலும், சமூகங்களுக்கு மத்தியிலும் பொருளாதார நெருக்கடிகளையும், வீழ்ச்சிகளையும் உண்டுபன்னியுள்ளதை நாம் அதிக ஆய்வறிக்கைகள் மூலமாக அறிந்துகொள்கிறோம். தூய இஸ்லாமிய போதனைகளை தவறுதலாக விளங்கி, இவ்வாறான மாயைகளுக்கு ஏமாறுவோரை இனம் கண்டு, அவர்களுக்கு தெளிவான, தூய இஸ்லாமிய ஓரிறைக் கோட்பாட்டை விளக்கி, அவர்களை நெறிபிறழ்வுகளிலிருந்து பாதுகாப்பது எமது சமுதாயத்தின் கடமையாகும்.

அறிந்துகொள்ளுங்கள்! அல்லாஹ்வை அஞ்சி நடந்திடுங்கள். இங்கு குறிப்பிடப்பட்ட இஸ்லாமிய ஓரிறைக் கொள்கையின் சில முக்கிய விழிப்புணர்ச்சிகளை உங்கள் வாழ்வுக்கான ஒளி விளக்காக எடுத்துக்கொள்ளுங்கள். நீங்கள் இவ்வுலகிலும், மறுவுலகிலும் மகிழ்ச்சியுடன் இருப்பீர்கள். விரட்டப்பட்ட ஷைத்தானின் தீங்குகளை விட்டும் அல்லாஹ்விடம் பாதுகாவல் தேடுகிறேன். அல்லாஹ் கூறுகிறான், ஆணோ, பெண்ணோ நம்பிக்கை கொண்டு, நல்லறம் செய்தால் அவரை மகிழ்ச்சியான வாழ்க்கை வாழச் செய்வோம். அவர்கள் செய்து கொண்டிருந்த நல்லவற்றின் காரணமாக அவர்களின் கூலியை அவர்களுக்கு வழங்குவோம்.” (அல்குர்ஆன் 16:97).

இறைவா! எங்களுக்கு அல்குர்ஆனில் பரக்கத்தை ஏற்படுத்துவாயாக! நபிமார்களுக்கெல்லாம் தலைவரான முஹம்மத் (ஸல்) அவர்களின் வழிகாட்டலில் எமக்கு நலவைத் தருவாயாக! நேரான பாதையில் எம்மை உறுதியோடு பயணிக்கச் செய்வாயாக! எனக்கும், உங்களுக்கும், உலக முஸ்லிம்கள் அனைவருக்கும் அல்லாஹ் பாவமன்னிப்பைத் தருவானாக! அவனிடமே பாவமன்னிப்புத் தேடுங்கள். அவன் அனைவரையும் மன்னிப்பவனாக இருக்கிறான்.

 

இரண்டாம் பிரசங்கம்

மிகையான, சிறந்த, பரக்கத் பொருந்திய புகழ் அனைத்தும் அல்லாஹ்வுக்கே உரித்தானது. உண்மையாக வணங்கப்படுவதற்குத் தகுதியான இறைவன் அல்லாஹ்வைத் தவிர வேறு யாரும் இல்லை எனவும், அவனுக்கு இணை இல்லை எனவும் நான் சாட்சி கூறுகிறேன். முஹம்மத் (ஸல்) அவர்கள் அல்லாஹ்வின் அடியாரும், தூதருமாவார்கள் எனவும் நான் சாட்சி கூறுகிறேன். அல்லாஹ்வின் அருளும், சாந்தியும் அவர் மீதும், அவரது குடும்பத்தார்கள், தோழர்கள், மறுமை நாள் வரைக்கும் அவரைப் பின்பற்றுகின்ற அனைவருக்கும் உண்டாவதாக.

அல்லாஹ்வின் அடியார்களே! தனிமையிலும், மக்கள் மன்றத்திலும் அல்லாஹ்வைப் பயந்துகொள்ளுங்கள். உங்களுக்கு மார்க்கமாக அவன் வழங்கியுள்ளவற்றுக்கு அவனைப் புகழ்ந்து, என்றும் அவனுக்கு நன்றிதெரிவித்துக் கொண்டே இருங்கள். அப்போதே நீங்கள் அவனின் திருப்பொருத்தத்தையும், அருளையும் அடைந்துகொள்ள முடியும்.

ஈமானிய சகோதரர்களே! வெற்றிக்கு வழிவகுக்கக்கூடிய, பாதுகாப்பைத் தரக்கூடிய, சிந்தனைச் சிதறல்களிலிருந்தும், சமூகத்தை பலவீனமாக்கி, தவிடுபொடியாக்கும் பிரிவினை வாதத்திலிருந்தும் உங்களைப் பாதுகாக்கும் அரணாக இருக்கக்கூடியது அஹ்லுஸ்ஸுன்னா வல்ஜமாஅத்தினரே. அவர்களின் கொள்கையில் உறுதியாய் இருப்பதே இஸ்லாத்தின் அடிப்படைகளில் மிக முக்கிய ஒன்றாகும். இக்காலத்தில் சீரான இஸ்லாமிய ஓரிறைக் கொள்கையில் பயணிக்கும் மார்க்க அறிஞர்கள், சொற்பொழிவாளர்கள், சீர்திருத்தவாதிகள், தலைமைத்துவத்தில் இருப்போர் என அனைவருக்கும், தமது சமூகத்தையும், வழித்தோன்றல்களையும் சரியான இஸ்லாமிய கொள்கையின் பக்கம் வழிகாட்டிச் செல்வது பொறுப்பாகவும், அமானிதமாகவும் மாறியுள்ளது. சமுதாயத்தின் நிலைமைகளை சீர்செய்வதற்கும், அவற்றின் ஒருமைப்பாட்டை உறுதிப்படுத்துவதற்கும், அதன் சரியான நோக்கத்தை நிறைவேற்றுவதற்கும், ஏகத்துவத்திலிருந்து சிறந்த வழிகாட்டுதல்களையும், போதனைகளையும் பெற வேண்டும்.

குறிப்பாக இன்று சமூகத்தின் மாபெரும் பிரச்சினையாக இருக்கும் விடயங்களில் எமது கவனத்தைச் செலுத்த வேண்டும். அதில் தலையாய அம்சமாக பலஸ்தீனும், மஸ்ஜிதுல் அக்ஸாவும் திகழ்கிறது. ஊடக திரிபுகள், பத்திரிகை அத்துமீறல்கள், இலத்திரணியல் யுத்தங்கள் போன்றவற்றில் குறிப்பிடப்படுவது போல் அல்லாமல், எமக்குள் இருக்கும் மோதல்களையும், பிரிவினையையும் மறந்து, இதை, முதல் இஸ்லாமிய விடயமாகக் கருத வேண்டும்.

இஸ்லாத்தின் கொடியை நீதமாகப் பறக்கவிட

புகழ்பெருமையை உறுதியாக பாதுகாத்திட

சிறந்த அணுகுமுறையால் அல்லாஹ்வின் கயிற்றை

பலமாகப் பிடிக்கும் நேரம் இதோ வந்துவிட்டது.

தன் வாக்கை நிறைவேற்றும் முகமாக அல்லாஹ் அவனது ஒளியை பூர்த்தியாக்கி, முஸ்லிம் சமூகத்துக்கு வெற்றியைத் தராமல் இருக்க மாட்டான். அல்லாஹ் கூறுகிறான், நம்பிக்கை கொண்டு, தமது நம்பிக்கையுடன் அநீதியைக் கலந்து விடாமல் இருப்போர்க்கே அச்சமற்ற நிலை உள்ளது. அவர்களே நேர்வழி பெற்றோர்.” (அல்குர்ஆன் 06:82).

சரியான இஸ்லாமிய கொள்கையை அறிவதற்கு உதவக்கூடிய ஓர் வழிதான் கற்றலிலும், கற்பித்தலிலும் கவனம் செலுத்துவது. அதுவே ஒருவருக்கு நற்செய்திகளையும், நம்பிக்கையையும் ஊட்டுகிறது. பல எதிர்பார்புகளோடு நாம் புதிய ஹிஜ்ரி ஆண்டை அடைந்திருக்கும் இந்நிலையில், தொற்று நோயின் ஆக்கிரமிப்புக்கு மத்தியில் எமது பிள்ளைகள் கல்வி நடவடிக்கைகளை எதிர்நோக்கியுள்ளனர். இந்நிலையில் தொலைதூரக் கல்வி கட்டாயமாக்கப்பட்டு, நவீன தொழில்நுட்பங்களைப் பயன்படுத்தவேண்டிய நிர்ப்பந்தத்துக்கு ஆளாகியுள்ளனர். பிள்ளைகள் சிந்தனை ரீதியான சிதறல்களில் அகப்படாமல் இருக்க, எதிர்காலத்தை சிறந்த முறையில் திட்டமிட, குடும்பத்தார்கள் பாடசாலையுடனும், பல்கலைக்கழகத்துடனும் ஒத்துழைத்து, அவர்களின் கல்வி நடவடிக்கைகளில் கவனம் செலுத்த வேண்டும்.

கண்ணியத்திற்குரிய பெற்றோர்களே! ஆசிரியர்களே! உங்களைக் கண்டு நாம் பெருமைப்படுகிறோம். உங்கள் முயற்சிகளுக்கு எமது நன்றிகளைத் தெரிவித்துக்கொள்கிறோம். கல்வி நடவடிக்கைகளிலும், வழிகாட்டுதலிலும் உங்கள் விடாமுயற்சியைக் கைவிடாது, சிறந்த சதந்ததியினரை உருவாக்குவதில் நீங்கள் தொடர்ந்தும் பயணிக்க வேண்டும். மார்க்கத்துக்காகவும், தாய்நாட்டிற்காகவும் அரசாங்கத்தின் வழிகாட்டுதலின் அடிப்படையில் ஒத்துழைக்கும் அனைவருக்கும் அல்லாஹ் அருள்புரிவானாக. இக்கட்டான சூழ்நிலையிலும் கல்வி நடவடிக்கைகளை முன்னெடுத்துச் செல்வதற்கு பெரும் பங்காற்றுகின்ற கல்வி ஊழியர்களுக்கு அல்லாஹ்வின் அருளும், எமது நன்றிகளும் விசேடமாக தெரிக்கப்பட வேண்டும். அல்லாஹ்வே அனைத்திற்கும் போதுமானவன். அல்லாஹ் எம் அனைவருக்கும் பிரயோசனமான அறிவையும், அதன் படி செயல்படுவதற்கும் அருள்பாலிப்பானாக! அல்குர்ஆனையும், ஸுன்னாவையும் சீரிய முறையில் பின்பற்றுவதற்கு அருள்புரிவானாக! எமது முஸ்லிம் சமூகத்தை விட்டும் சோகங்களை நீக்கிவிடுவானாக! அவன் கொடையாளனாகவும், அருள்புரிபவனாகவும் இருக்கிறான்.

முஹம்மத் (ஸல்) அவர்கள் மீது அதிகம் ஸலவாத்துக் கூறுங்கள். அல்லாஹ் கூறுகிறான், அல்லாஹ் இந்த நபிக்கு அருள் புரிகிறான். வானவர்கள் அவருக்காக அவனது அருளை வேண்டுகின்றனர். நம்பிக்கை கொண்டோரே! நீங்களும் அவருக்காக (இறை) அருளை வேண்டுங்கள்! ஸலாமும் கூறுங்கள்” (அல்குர்ஆன் 33:56). நபி (ஸல்) அவர்கள் கூறினார்கள், யார் என்மீது ஒரு தடவை ஸலவாத் கூறுவாறோ அவருக்கு அல்லாஹ் பத்து தடவை ஸலவாத்துக் கூறுகிறான்” (அறிவிப்பவர்: அப்துல்லாஹ் இப்னு அம்ர் (ரழி), நூல்: முஸ்லிம் 384).

(துஆப் பிரார்த்தனை)

அதில் ஒரு பகுதி

இறைவா! முஸ்லிம்களின் இரத்தங்களைப் பாதுகாப்பாயாக! இறைவா! முஸ்லிம்களின் இரத்தங்களைப் பாதுகாப்பாயாக! அவர்களின் நிலைகளை சீர்செய்வாயாக! கண்ணியமும்