SRILANKAN STUDENTS FORUM - IMAM UNIVERSITY

துல்ஹஜ் மாதம் பிறை ஒன்பது அன்று ஹாஜிகள் அரஃபா பெருவெளியில் தங்குவார்கள். அதனால் அந்த நாளுக்கு அரஃபா நாள் என்று குறிப்பிடுவர். 

அரஃபா நாளில் ஹாஜிகள் நோன்பு நோற்கத் தடை உள்ளது. ஆனால் ஹாஜிகள் அல்லாதவர்கள் அரஃபா நாளில் நோன்பு நோற்க நபிகள் நாயகம் (ஸல்) அவர்கள் ஆர்வமூட்டியுள்ளார்கள். 

قَالَ وَسُئِلَ عَنْ صَوْمِ يَوْمِ عَرَفَةَ فَقَالَ « يُكَفِّرُ السَّنَةَ الْمَاضِيَةَ وَالْبَاقِيَةَ » 

அரஃபா நாளில் நோன்பு நோற்பது அதற்கு முந்திய வருடம் மற்றும் அடுத்த வருடத்திற்கான பரிகாரமாகும் என்று அல்லாஹ்வின் தூதர் (ஸல்) கூறினார்கள். 

அறிவிப்பவர்: அபூகதாதா (ரலி), நூல்: முஸ்லிம் 

حَدَّثَنَا أَبُو بَكْرِ بْنُ أَبِي شَيْبَةَ وَعَلِيُّ بْنُ مُحَمَّدٍ، قَالَا: حَدَّثَنَا وَكِيعٌ، حَدّثَنِي حَوْشَبُ بْنُ عَقِيلٍ، حَدّثَنِي مَهْدِيٌّ الْعَبْدِي، عَنْ عِكْرِمَةَ، قَالَ: دَخَلْتُ عَلَى أَبِي هُرَيْرَةَ فِي بَيْتِهِ، فَسَأَلْتُهُ عَنْ صَوْمِ يَوْمِ عَرَفَةَ بِعَرَفَاتٍ، فَقَالَ أَبُو هُرَيْرَةَ: نَهَى رَسُولُ اللَّهِ – صَلَّى اللَّهُ عَلَيْهِ وَسَلَّمَ – عَنْ صَوْمِ يَوْمِ عَرَفَةَ بِعَرَفَاتٍ 

அரஃபா பெருவெளியில் தங்கியிருப்போர் அரஃபா நாளில் நோன்பு நோற்பதை நபிகள் நாயகம் (ஸல்) அவர்கள் தடை செய்தார்கள். 

அறிவிப்பவர்: அபூஹுரைரா (ரலி) , நூல்: இப்னுமாஜா 1732 

அரஃபா நாள் என்று கூறிய நபிகள் நாயகம் (ஸல்) அவர்கள் எவ்வாறு அதை நடைமுறைப்படுத்தினார்களோ அவ்வாறு தான் நாமும் நடைமுறைப்படுத்த வேண்டும். 

அரஃபா நாளில் நோன்பு நோற்கச் சொன்ன நபிகள் நாயகம் (ஸல்) அவர்கள் மக்காவுக்கு ஆளனுப்பி எந்த நாளில் ஹாஜிகள் அரஃபாவில் கூடுகிறார்கள் என்பதை விசாரிக்க எந்த ஏற்பாடும் செய்யவில்லை. அவர்கள் எப்போது தங்குகிறார்கள் என்பதை அறியாமலேயே மதீனாவில் காணப்பட்ட பிறையின்படி ஒன்பதாம் நாளில் நோன்பு நோற்றார்கள். மக்காவில் பிறை காணப்பட்டவுடன் அந்தத் தகவலை ஓரிரு நாட்களில் அறிந்து கொள்ள வசதிகள் இருந்தும் நபிகள் நாயகம் (ஸல்) அவர்கள் அந்த வசதியைப் பயன்படுத்தவில்லை. 

எனவே சவூதி அரேபியாவில் அரஃபாவில் தங்கும் நாள், நாம் பிறை பார்த்த கணக்குப்படி எட்டாம் நாளாகவும் இருக்கலாம். அதைப் பின்பற்றத் தேவையில்லை. அதற்கு நபிவழியில் எந்த ஆதாரமும் இல்லை. நாம் பிறை பார்த்த கணக்குப்படி ஒன்பதாம் நாளில் நோன்பு நோற்க வேண்டும்.

குர்பானியின் சிறப்பு 

குர்பானியின் சிறப்புப் பற்றி வரும் பெரும்பாலான ஹதீஸ்கள் பலவீனமானவை. என்றாலும் துல்ஹஜ் மாத்தின் முதல் பத்து நாட்களில் செய்யும் நற்காரியங்களுக்கு தனிச்சிறப்பு இருப்பதாக நபி (ஸல்) அவர்கள் கூறியுள்ளார்கள்.

(துல் ஹஜ்) பத்து நாட்களில் நல்லறங்கள் செய்வது ஏனைய நாட்களில் அவற்றைச் செய்வதைவிட அல்லாஹ்வுக்கு மிகவும் விருப்பமானதாகும். என்று நபி (ஸல்) அவர்கள் கூறினார்கள். அப்போது நபித்தோழர்கள், அல்லாஹ்வின் பாதையில் ஜிஹாத் (அறப்போர்) செய்வதை விடவுமா? என்று கேட்டனர். அதற்கு நபி (ஸல்) அவர்கள் அல்லாஹ்வின் பாதையில் அறப்போர் செய்வதை விடவும் சிறந்தது தான். ஆயினும் தனது உயிருடனும் தனது செல்வத்துடனும் புறப்பட்டுச் சென்று அவ்விரண்டில் எதையும் திரும்பக் கொண்டு வராத பேராளியைத் தவிர (அதாவது அல்லாஹ்வின் பாதையில் ஷஹீதானவரைத் தவிர) என்று விடையளித்தார்கள்.

அறிவிப்பவர் : இப்னு அப்பாஸ் (ரலி), நூல் : புகாரி (969)

குர்பானி கொடுப்பது முஸ்லிம்களின் வழிமுறையாக அல்லாஹ்வால் ஆக்கப்பட்டுள்ளது. இதை நிறைவேற்றுபவர் முஸ்லிம்களின் வழியில் நடந்தவர் ஆவார். யார் (பெருநாள்) தொழுகைக்கு முன்னால் (பிராணியை) அறுக்கின்றாரோ அவர் தம் (சொந்த தேவைக்காகவே) அறுத்தவர் ஆவார். 

யார் தொழுகைக்குப் பின்னால் அறுக்கிறாரோ அவரது (குர்பானி) வழிபாடு பூர்த்தியாகிவிடும். மேலும் அவர் முஸ்லிம்களின் வழிமுறையைப் பின்பற்றியவர் ஆவார் என்று நபி (ஸல்) அவர்கள் கூறினார்கள்.

அறிவிப்பவர் : அனஸ் பின் மாலிக் (ரலி), நூல் : புகாரி (5546)

அல்லாஹ்வின் நெருக்கத்தைப் பெறுவதற்காக நாம் 

தொழுகை, நோன்பு, தர்மம் போன்ற வணக்கங்களை அதிக ஆர்வத்துடன் செய்து வருகிறோம்.

அல்லாஹ்விடத்தில் நம்மை நெருக்கமாக்கி வைக்கும் இது போன்ற வணக்கங்களில் குர்பானியும் ஒன்றாகும். 

இதை நபி (ஸல்) அவர்கள் வழிபாடு என்று குறிப்பிடுகிறார்கள்.

அல்லாஹ்வின் தூதர் (ஸல்) அவர்கள் (பெருநாளன்று நிகழ்த்திய உரையில்) யார் நமது தொழுகையைத் தொழுது நமது தொழும் திசையை (கிப்லாவை) முன்னோக்கி நமது குர்பானி வழிபாட்டைச் செய்கிறாரோ அவர் தொழுவதற்கு முன் குர்பானிப் பிராணியை அறுக்க வேண்டாம் என்று சொன்னார்கள்.

அறிவிப்பவர் : பராஃ பின் ஆசிப் (ரலி) நூல் : புகாரி (955)

எந்தெந்த பிராணிகளை குர்பானி கொடுக்க வேண்டும் 

ஒட்டகம்,ஆடு,மாடு இம்மூன்றும் குர்பானி கொடுக்கத் தகுதியான பிராணிகள். இதைத் தவிர வேறு எதையும் குர்பானி கொடுக்கக் கூடாது.

கால்நடைகளை அவர்களுக்கு அல்லாஹ் வழங்கியதற்காக அறியப்பட்ட நாட்களே அல்லாஹ்வின் திருநாமத்தை அவர்கள் துதிப்பார்கள். 

அதில் இருந்து நீங்களும் உண்ணுங்கள், வறிய ஏழைகளுக்கும் வழங்குங்கள்.

அல்குர்ஆன் 22 : 28

இந்த வசனத்தில் குர்பானிக்கான பிராணிகளைப்பற்றி அல்லாஹ் குறிப்பிடும் பொழுது 

அன்ஆம் என்ற வார்த்தையைப் பயன்படுத்துகின்றான். அன்ஆம் என்றால் ஆடு, மாடு, ஒட்டகம் ஆகிய மூன்று பிராணிகளை மாத்திரம் குறிக்கும். எனவே ஆடு, மாடு, ஒட்டகம் ஆகியவற்றையே குர்பானி கொடுக்க வேண்டும்.

ஆடுகளில் சில இனத்தைக் கொடுக்கக் கூடாது என்ற தவறான நம்பிக்கை நிலவுகிறது. வெள்ளாடு செம்மறியாடு ஆகிய எதுவானாலும் கொடுப்பதில் குற்றமில்லை. பலியிடப்பட வேண்டிய பிராணிகளை இறைவன் பட்டியலிடும் போது செம்மறியாடு வெள்ளாடு மாடு ஒட்டகம் இவற்றையே குறிப்பிடுகிறான்.

(பலியிடக் கூடிய பிராணிகளில்) எட்டு வகைகள் உள்ளன. செம்மறியாட்டில் (ஆண் பெண் என) இரண்டு, வெள்ளாட்டில் இரண்டு உள்ளன. (இவற்றில்) ஆண் பிராணிகளையா (இறைவன்) தடுத்திருக்கிறான் அல்லது பெண் பிராணிகளையா அல்லது பெண் பிராணிகளின் கருவில் உள்ளவற்றையா நீங்கள் உண்மையாளர்களாக இருந்தால் அறிவுடன் எனக்கு விளக்குங்கள்!'' என (முஹம்மதே!) கேட்பீராக! ஒட்டகத்தில் இரண்டு, மாட்டில் இரண்டு உள்ளன. இவற்றில் ஆண் பிராணிகளையா தடை செய்திருக்கிறான் அல்லது பெண் பிராணிகளையா அல்லது பெண் பிராணிகளின் கருவில் உள்ளவைகளையா” என்று (முஹம்மதே!) கேட்பீராக!

அல்குர்ஆன் 6 : 143

மேலும் நபி(ஸல்) அவர்கள் ஒட்டகம், ஆடு, மாடு ஆகியவற்றை மட்டும் குர்பானி கொடுத்ததாக ஆதாரப்பூர்வமான ஹதீஸ்கள் கூறுகின்றன. எனவே இம்மூன்று பிராணிகள் மட்டுமே குர்பானிப் பிராணிகளாகும்.

எருமை மாட்டை குர்பானிக் கொடுப்பதில் அறிஞர்களுக்கிடையே கருத்து வேறுபாடு நிலவுகிறது.

நபி (ஸல்) அவர்கள் வாழ்ந்த பூமியில் எருமை மாடு இல்லாததால் குர்ஆன் ஹதீஸில் இதைப் பற்றி தெளிவாகக் குறிப்பிடப் படவில்லை. எனவே சிலர் ஹதீஸ்களில் இல்லாததை குர்பானி கொடுக்கக்கூடாது என்கின்றனர். இன்னும் சிலர் எருமை மாடு மாட்டு இனத்தில் உள்ளதால் மாட்டை எப்படிக் கொடுக்கலாமோ அதைப் போன்று இதையும் கொடுக்கலாம் என்கின்றனர்.

அல்லாஹ் மிக அறிந்தவன்.

எமது அல் இமாம் முஹம்மத் பின் ஸூஊத் இஸ்லாமியப் பல்கலைக்கழக இலங்கை மாணவர் ஒன்றியத்தின் ஏற்பாட்டில் இம்முறை எமது பல்கலையிலிருந்து பட்டம் பெற்று நாடு செல்லவிருக்கும் நண்பர்களான எம்.எப்.எம். ஆஸிர் (ஸலபி)(ரியாதி), ஏ.எம். ராஸிப் (ஷாபிஇ) (ரியாதி) ஆகியோருக்கான பிரியாவிடை நிகழ்வு கடந்த புதன் (31.01.2018) அன்று எம்.ஏ நயிமுல்லாஹ் (தப்லிஹி) (PhD Reading) அவர்களின் வீட்டின் வரவேற்பு மண்டபத்தில் இடம்பெற்றது.

எமது மாணவர் ஒன்றியத்தின் தலைவர் எம்.ஏ நயிமுல்லாஹ் தப்லிஹி (PhD Reading) தலைமையில் இடம்பெற்ற இந்நிகழ்வில் ரியாத் தமிழ் தஃவா ஒன்றியத்தின் செயலாளர் ரம்ஸான் பாரிஸ் மதனி அவர்கள் பிரதம அதிதியாக கலந்து சிறப்பித்தார்.

மேலும் ரியாத் மலிக் ஸூஊத் பல்கலைக்கழக மாணவர்களான ரஷாத் (ஸஹ்வி) (PhD Reading), பேரோஜ் அன்வாரி ஆகியோரும் கலந்து சிறப்பித்தனர்.

இரவு 10.00 மணிக்கு ஆரம்பமான இந்நிகழ்வினை ஸாஜிதீன் (ஸஹ்வி) அவர்கள் தொகுத்து வழங்கினார். தொடந்து நிகழ்வில் வரவேற்புரையினை எம்.ஜே.எம். ரிஸ்மி (அப்பாஸி) (PhD Reading) அவர்கள் ஆற்றினார்கள். பின்னர் தலைவர் அவர்களால் தலைமையுரை நிகழ்த்தப்பட்டது.

அவர் உரையாற்றுகையில்

எமது மாணவர் ஒன்றியத்தின் செயற்பாடுகள், எதிர்கால நடவடிக்கைகள் பற்றி தெளிவுபடுத்தியதோடு, வெளியாகும் மாணவர்களுக்கு அறிவுரைகளையும் வழங்கி விடைபெற்றார்.

தொடர்ந்து விடுகை மாணவர்களான ஆஸிர் (ஸலபி) ராஸிப் (ஷாபிஇ) ஆகியோருக்கு பேச இடமளிக்கப்பட்டது. இதன் போது தனது பல்கலை அனுபவங்களை கண்ணீரும் கம்பலையுமாக எம்மோடு பகிர்ந்து கொண்டனர்.

இடை நடுவில் விழாக் கதாநாயகர்கள் பற்றிய விபரண ஒலித் தொகுப்பு ஒலிபரப்பப்பட்டது. எமது மாணவர்களான ஹிஸ்புல்லாஹ் (அன்வாரி) வஸீம் ஹூஸைன் ஆகியோரது தயாரிப்பில் கதாநாயகர்களது வாழ்க்கை வரலாற்றை ஒலி வடிவில் கவி நயத்தோடு அழகுற ஒழுங்குபடுத்தியிருந்தனர்.

தொடந்து பிரதம அதிதியின் உரை இடம் பெற்றது. அதில் வெளியாகி சென்ற பழைய மாணவர்கள் நிலை குறித்த தகவல்களை கூறி, அவர்களது மார்க்க அறிவு, தஃவாவில் அவர்களது தொடர்புகள், மக்கள் மன்றத்தில் அவர்கள் பற்றிய விடையங்கள் என்பவைகளை எம் மனக் கண் முன்னே கொண்டு வந்து, நாம் இவற்றில் பெற வேண்டிய படிப்பினை தொடர்பாக ஆலோசனைகளையும், அறிவுரைகளையும் வழங்கிச் சென்றார்.

தொடர்ந்து இல்ஹாம் (கபூரி) (MA. Reading) அவர்களால் நன்றியுரை நிகழ்த்தப்பட்டது. ஈற்றில் இரவு 11.45 மணியளவில் கப்பாறதுல் மஜ்லிஸூடன் முடிவு பெற்றது.

இறுதியாக இரவு நேர விருந்துபசாரத்துடன் இந்நிகழ்வு முற்றுப் பெற்றது. அல்ஹம்துலில்லாஹ்.