ஆக்கிரமிக்கப்பட்ட இஸ்ரேலின் தலைநகரான குத்ஸ் !

முஸ்லிம்களின் புனிதஸ்தலங்களில் ஒன்றாகிய மஸ்ஜிதுல் அக்ஸாவின் ஸ்தலம் குத்ஸை இஸ்ரேலின் தலைநகரமாக மாற்றும் திட்டம் சில நாட்களாக பேசப்பட்டு வந்தது. 

பல முஸ்லிம் நாடுகளின் எதிர்ப்பையும் மீறி நேற்று அமெரிக்க ஜனாதிபதி டொனால்ட் ட்ரம்ப் இதனை அறிவித்துள்ளார். 

அவர் இதனைப் பற்றிக் குறிப்பிடும் போது “இது மிகப் பிந்திய நகர்வு” என்று கூறினார். 

நேற்று வரை இஸ்ரேலின் தலைநகரமாக டெல்அவீவ் காணப்பட்டு இன்று முதல் குத்ஸாக மாறியது பல முஸ்லிம் நாடுகளைக் கொதிக்கச் செய்துள்ளது.

இதனால் கடும் ஆத்திரமடைந்த முஸ்லிம் நாடுகளின் தலைவர்கள் கடும் கண்டனங்களையும் தெரிவித்துள்ளனர். 

இஸ்ரேலுடனான அனைத்து தொடர்புகளையும் தான் துண்டிக்கப்போவதாக துர்க்கி ஜனாதிபதி அர்துகான் எச்சரித்துள்ளார். 

அமெரிக்காவின் இத்தீர்மாணம் பாரிய விளைவுகளையும் பிரச்சினைகளையும் ஏற்படுத்தும் என்று சவூதி அரேபியா தன் கண்டனத்தை தெரிவித்துள்ளது மேலும் நேற்றுவரை பல தடவைகள் ட்ரம்புடன் இது தொடர்பாக கலந்துரையாடியாதகவும் அதனால் எந்தப் பயனும் கிடைக்கவில்லை என்றும் தம் கவலையையும் தெரிவித்துள்ளது.

பலஸ்தீனின் ஜனாதிபதி மஹ்முத் அப்பாஸ் இஸ்ரேலிய தலைநகராக குத்ஸை அறிவிப்பது இரு நாடுகளுக்கிடையில் மெம்மேலும் பகையை மூட்டும் செயலென்று கூறி குத்ஸ் பலஸ்தீனின் நிரந்தர தலைநகரம் என்றும் குறிப்பிட்டார்.

1948 ஆம் ஆண்டு தனி நாடாக அங்கீகரிக்கப்பட்ட இஸ்ரேல் 1949 ஆம் ஆண்டு குத்ஸைத் தலைநகரமாக அறிவித்த போது அதனை உலக நாடுகள் அங்கீகரிக்க மறுத்தது. 

மீண்டும் 1980 ஆம் ஆண்டு இதே  கோரிக்கையை வைத்தபோதும் இதுவும் உலக நாடுகளின் பாரிய எதிர்புக்களுள்ளாகியது. 

இறுதியாக அமெரிக்காவின் முழுமையான ஒத்துழைப்புடன் நேற்று ( 06 - 12 - 2017 ) குத்ஸ் இஸ்ரேலின் தலைநகர் என அறிவிக்கப்பட்டது. 

ஆக்கம் : எப் . ஆர் . முஹம்மத்.